දුක හිතුනු කවියක්.......

හදට දැනිච්ච ලස්සනම කවියක්... කියවද්දී කෑගහල අඩන්න හිතුන නිසා මගේ බ්ලොග් එකට එන යාලුවන්ටත් බලන්න මගේ බ්ලොග් එකේ දාන්න  හිතුන.."    කදුළු ගංතෙර  "   ඔබ මාව හඬවපු නිසයි මේ....

මේ ලොවේ මා මෙසේ අතරමං කොට දමා.....

නුඹට කඳුලක් නොවේව !!!

අවසන් කවියයි මේ.......

ජීවිතේ කියන්නේ මහා අමුතුම එකක්...වරින් වර අපට පාඩම කියල දෙන පාඩම පොතක් වගේ.......හැබැයි ඒ හැම දෙකින්ම හොදක් වෙනවා කියල හිතාගත්තම අපිට ඒ දේවල් විදින්න ශක්තිය ලැබෙනවා...සතුට දුක වේදනාව හැමදේම  මේ ලෝකේ වගේම තමයි......හැමදේම අස්තිරයි....ඉතින් මේකේ කොහෙද අපිට ස්ථිර ආලයක්.....

එදා දුටු ඒ සිහින සිතුවම් සමු අරන් මගේ   මතකයෙන්....

ඇවිද ගිය ඒ සේද මාවතේ නිම තෙමී ඇත    මීවිතෙන්.....

කඳුළු ගංගා සුසුම් පොදිකොට සැදු ඔරුවක පාවෙමින්....

නුඹේ පැතුමට සුභ පතා මා පැදව යමි නුඹේ  ජීවිතෙන්..........

මෙමට හිමි නැති නුඹේ හසරැල් ඔහුට හසරැල් ගෙනේවා.....

මට අහිමි වුනු ඔහු දිනුව ලොව නුඹව රැජිණිය  කෙරේවා....

ජීවිතේ මතු කිසිම දවසක නුඹට කඳුලක්          නොවේව....

ස්වාප්නෙකින්වත් නුඹ මගේ වී මතු සසරේ යලි නොඑවා.........

මට හිතෙන්න අපි ගොඩක් ආදරේ කරපු අය අපිව දාල ගියාම තණ්හාව නිසයි දුක දැනෙන්නේ කියල.මොකද අපි හැමවිටම අපිත් එක්ක අනිත් කෙනාව සසදනවා.මට වඩා එයත් එක්ක හොදින් ඉදීවිද කියල..එහෙම නැත්නම් මට වඩා හොදට ඒ කෙනා සලකන නිසා මගේ අඩුපාඩු පෙනෙයිද කියල... .... ඒ වගේම ඉර්ෂ්‍ය කරනවා..මාට ලැබුණු දේවල් ඒ කෙනාට ලැබෙයිද..එහෙම නැත්නම් ඒ කෙනා යා  එක්ක සතුටින් ඉදීවිද කියල...මම දුක වෙනකොට එයාල සතුටු වෙනවා කියල.... එහෙමත් නැත්නම් මට අයෙ එය වගේ කෙනෙක් නොලැබේවි කියල..හ්ම්ම්ම්ම් මේක තමයි මේ පුදුම ලෝකේ හැටි....

මට හිතෙන්නේ ඔය හේතු නිසා තමයි අපි මේ පන වගේ ආදරේ කරපු අයට ජීවිත කළෙම වෛර කරන්නේ කියල..

මටත් දැනුන වේදනාව..අවුරුදු 6 ක ආදරේ නැතිවුණා දවසේ..කෑ ගහල අඩුව දවස්ගනන්..නින්ද..මලාට නින්ද යන්නේ නැති වුනා..දකින දකින හැම තැනම එයා ඉන්නවා පේනවා..මම අන්තිමේ හිතුවේ මට පිස්සු හැදිලා කියල..කිසි කෙනෙක් එක්ක කතා කරන්න බෑ කේන්ති යනවා..රස්සාවට යන්නේ නැතිව ඉදල රස්සාව නැති වුන ..අතේ සතේ නැතිව හිගන්නෙක් වුනා.. අපේ හිත හරි අහිංසකයි..වේදනාව විදින බෑ...හැමවෙලේම ආයෙ එයා එයි කියල බලාගෙන ඉන්නවා..අඩුගානේ ෆෝන් එකට කෝල් එකක්...අන්තිමේදී අපි අපේ හිත රවට්ටගන්නවා මේ ආත්මේ නොලැබුන ඔයාව ඊලග ආත්මේ හරි ලබා ගන්නවා කියල..හ්ම්ම්ම්...
අනේ මන්ද මාත් එහෙම හිතුව...අන්තිමේදී වේදනාව විදලා විදලා වේදනාවටම ඇති වෙලාද කොහේ කිසිම වේදනාවක් දැනෙන්නේ නැතිව ගියා... කවදාවත් කවියක් ලියපු නැති මට දුකට කවි ලියවුනා...රේඩියෝ එක දැම්මත් , ටීවී එක දැම්මත් මුන් මටමයි සින්දු කියන්නේ...හිහිහ්...... මට හිතුන පලිගන්න..ගිහින් මරල දාන්නත් හිතුන වරා අනන්තයි....මූණු පොතේ වෙනම පිටුවක් දන්නා හිතුන අපේ පින්තුර දාල හැමෝටම පෙන්න..මොකද අවුරුදු 6 ක පින්තුර..අන්තිමේදී හිතුන කවදාවත් එයට හොදින් ජීවත් වෙන්න දෙන්නේ නෑ  කියල..කවද හරි එයාගේ ජීවිතේ අවුල් කරනවා කියල හිතුන...කවදාවත් කෙනෙක්ට හිමි කරගන්න දෙන්නේ නෑ කියල හිතුන...අන්තිමේදී හිතුන කවදාහරි මම ගොඩාක් සල්ලි හොයල එයාගේ ඉස්සරහට ගිහින් එයාව අයෙ මගේ කරගන්නවා කියලත්... හිහිහ්...

ඇත්තටම අපි ආදරේ කරේ වෛර කරන්නද?..ආදරේ කරපු කෙනාට වෛර කරන්න පුලුවන්ද? ඇයි එයාගේ සතුට එයට දෙන්න බැරි.....ඇයි අපිට ඒ සතුට දැකල සතුටු වෙන්න බැරි...ආදරේ කරපු කාලේ අපි හැමදේම කරේ එයාගේ සතුට වෙනුවෙන් නේද? ඇයි දැන් එයාගේ සතුට විදින බැරි.....මාව එයාට එපා කියල වෙන කෙනෙක්ගේ ලගට ගියේ මගෙන් සතුටක් නැති නිසා නේද?  හ්ම්ම්ම්ම්........


හදවතින් ඈත් වෙලා බුද්ධියට ඉඩ දුන්නොත් අපිට පැත්තකට වෙලා සතුටු වෙන්න පුළුවන් දැන් එය සතුටින් ඉන්නවා කියල.....එතකොට හිතට දැනෙන සැහැල්ලුව කියල නිම කරන්න බෑ...මම කරේ මට පුළුවන් විදියට එයාලට සුබ පතපු එකයි..එයාලගෙන් පුළුවන් තරම් ඈතට වෙලා සතුටින් ඉන්න එකයි ....දැන් හිත ගොඩාක් සැහැල්ලුයි..


""ඔයා වෙනුවෙන් ආයේ  කවදාවත් කවි ලියවෙන්නේ නෑ අදින පස්සේ....මගේ පැතුම ඔයාල දෙන්න හොදින් ජීවිතේට මුහුණ දෙන්න කියන එකයි..ඔයාල දෙන්නට සුභ අනාගතයක් වේවා!!!!!!"""

යක්ෂයෝ ප්‍රේතයෝ කුම්භාණ්ඩයෝ පිසාචයෝ හුදු මානසික සංකල්ප විතරක්ද

ම විසින් පෙර ලියූ "යක්ෂයින් සමග සෙල්ලම් " බ්ලොග් එකට අපේ සහෝදරයෙක්  ලියා තිබුණු කමෙන්ට් එක නිසා මට තවත් මේ මාතෘකාවටම සම්බන්ධව නැවතත් ලිපියක් ලිවීමට අවස්ථාවක් මතු උනා...මොකද අපි අතරේ ඉන්න හැමෝන විවිධ අදහස් වලින් යුක්ත අය බැවින්..එකීනෙකගේ අදහස් එකිනෙකට වෙනස්... ඒක එයාලගේ අයිතිය....ඒ වගේම ගොඩක් අය කියන්නේ එක දෙයක් කරන්නේ එක දෙයක්.. 

කෙනෙක් තර්ක කරන  විදියට යක්ෂයෝ ප්‍රේතයෝ කුම්භාණ්ඩයෝ 

පිසාචයෝ කියන චරිත හුදු මානසික සංකල්ප විතරක්ද ??????

මිනිසුන් මේ කියන විදියට මේ ජෝතිෂ්‍යය විද්‍යාව ,ගුප්ත විද්‍යාව 

බොරුවක්ද   ????????

ජ්‍යෝතිෂ්ශාස්ත්‍රය හා ගුප්ත විද්‍යාව.....

ජ්‍යෝතිෂ්ශාස්ත්‍රය හා ගුප්ත විද්‍යාව ගැන අප කතා කිරීමේදී මේ දෙකේ එකිනෙක හා බැඳුනු විශාල සම්බන්දයක් තිබේ..මෙයට හේතුව නම් මෙම කොටස් දෙක චතුර් විද්‍යාවේ  කොටස් දෙකක් වීමයි.චතුර් විද්‍යාවේ කොටස් 4 නම් 

1..ජ්‍යොතිෂ්‍ය විද්‍යාව

2..ගුප්ත විද්‍යාව 

3..වාස්තු විද්‍යාව 

4..තාරකා විද්‍යාවයි 

මේ 4 සැමවිටම එකට බැදී පවතී..ජ්‍යොතිෂ්‍ය විද්‍යාව ,වාස්තු විද්‍යාව, තාරකා විද්‍යාව  මගින් ගණනය කරන ලද කරුණු වලදී ඒවාට කරනු කරනු ලබන ප්‍රතිකාර සදහා ගුප්ත විද්‍යාව අවශ්‍ය වී තිබේ..

"""හඳට පූදින ගොයම් බෝල්වේ..,හඳට කපන ගස වල එළෙ වැඩියි ගුල්ලෝ ගසති..,හඳට පිස්සුව වැඩිවේ..,කිරිගඩු උන පසළොස්වකට වැඩිවේ..,ඇදීම වැඩි වෙන්නේ හඳ වැඩි දවස වලටය..,වඩදිය බාදිය හඳ අඩු වැඩි විදියට වෙනස් වේ......""
මෙසේ කියමන් අප සමාජයේ අද්දැකීම් සමගින් සැමදෙනාටම අත්විදින්නට වන අවස්ථා බොහෝ උදාවී ඇතුවාට සැක නැත......

චතුර් විද්‍යාවට වයස් සීමාවක් නැත .කව්රුන් කවදා සොයා ගත්තාද කියා කිසිවෙක් නොදනී.යම් කලෙක යම් රාජ්‍යයක් දියුණුව තිබුනේ නම් එම රාජ්‍යයේ ජ්‍යෝතිෂ්ශාස්ත්‍රය බල පැවැත්වූ බව පෙනෙන්නට තිබේ...චීන රජවරු ආණ්ඩුවේ නිලධාරීන් වශයෙන් ජ්‍යෝතිෂ්ශාස්ත්‍රයඥයින් පත් කර තිබුණු බවත් වැරදි අනාගත කීම් දඩුවම් කල හැකි බරපතල අපරාධ ගණයට ඇතුලත් කර තිබුණු බවත්  චීන ඉතිහාසයේ පෙනේ....එසේම" හිපොක්‍රටිස් "විසින් ඒ කාලයේ සිටි වෙදුන්ට මෙසේ කියා තිබේ.."ජ්‍යෝතිෂ්ශාස්ත්‍රය නොදන්නා වෙදාට වෙදා නොව ගොනය කීම වඩා සුදුසුය " ...ලංකාවේ පුරාණදියුණු කාලයේ මේ ශාස්ත්‍රය ඉතා උසස් අන්දමින් භාවිතා කලද මංකොල්ලකර පරදෙශීන්ගේ පැමිණීමෙන් මෙම ශාස්ත්‍ර පමණක් නොව ලංකාවේ තිබුණු බොහෝ ශාස්ත්‍ර ක්‍රම පරිහානියට ගොස් ඇත. මේවා නැති කිරීමේ අදහසින් ඒවාට ගරු සරු නොකළ නිසා අප රටේ උසස් පෙලේ අයද මේවා පාවිච්චි කිරීම පහත ලෙස සැලකීය...අබවින් මෙම ශාස්ත්‍ර අන් සියළු ජාතික සිරිත් විරිත්  හා ආගමික සිරිත් විරිත් මෙන් ඉතා දුප්පත් නුගත් මිනිසුන් අතරට පත් විය..අවසානයේ ජාතික හා ආගමික සිරිත් විරිත් මෙන්ම මෙම ශාස්ත්‍රත් ආරක්ෂා කර තිබුනේ පිටිසර පන්සල්වල භික්ෂුන්වහන්සේලා හා දුප්පතුන් විසිනි......අද දවසේ සමහර බුද්ධිමතුන් චෝදනා නගන  ඉතාමත් හේතුවාදී වෙච්ච දර්ශනයක් වුන බෞද්ධ දර්ශනය මේවා හා සම්මිශ්‍රණය වීමට පාදක වුනු ප්‍රධාන හේතුව මෙම හේතුවයි..
එමෙන්ම අද තාක්ෂණයේ දියුණුවත් මිනිසුන්ගේ කාර්යක්ෂමතත්වයත් ගතකිරීමට ඇති අඩු විවේකී කාලයත් නිසා හා දිනෙන් දින වේගයෙන් දියුණුවට පත්වන විද්‍යාවත් හේතුවෙන් පුරාතනයේ හා මෑත  අතීතයේ අපට බොහෝ සේ වැදගත් උන පාරම්පරික වෙදකමත් ගොඩ වෙදකමත් අභාවයට යමින් පවතී..තවද බෙහෙත් ලබාගැනීමට අවශ්‍ය ශාක නොමැති වීම,නුතන සමාජයට  එම ශාක හදුනාගැනීමට නොහැකිවීම  රහස් වචන භාවිතා කිරීම හා ගුරු මුෂ්ටිය මෙම අභාවයට හේතුව වී පවතී..එබැවින් අද දිනයේදී ජ්‍යෝතිෂය හා ගුප්ත විද්‍යාව ඇතුලත් චතුර් විද්‍යාව බොරුවක් සේ තර්ක කරන සේම අපගේ පාරම්පරික වෙදකමට හා ගොඩ වෙදකමටද  හෙට දිනයේදී බොරුවක් ලෙස චෝදවට ලක්වීම කාටනම් වැලැක්විය හැකි වේද......
එමෙන්ම යක්ෂ භූත ,ප්‍රේත ,කුම්භාණ්ඩ චරිත හුදු මානසික සංකල්ප හා මානසික දුර්වල මිනිසුන් විසින් මතුවන ද්විතික පවුර්ෂ සේ සලකා අපට බැහැර කල හැකිවේද......එසේනම් බුදු දහමේ පැහැදිලිව ඉතාම පුළුල් ලෙස යක්ෂ භූත ,ප්‍රේත ,කුම්භාණ්ඩයින් ගැන  විග්‍රහ කෙරෙයිද....
උදාහරණයක්‌ ලෙස සංයුක්ත නිකායේ යක්ක සංයුක්තය ,මාර සංයුක්තය ප්‍රේත වාස්තු ප්‍රකරණ වැනිදේ දැක්විය හැකිය...එසේම යක්ෂ භූත ප්‍රේත මාර යින් පිලිබදව බුදුරජාණන් වහන්සේ පැහැදිලිව ත්‍රිපිටක ධර්මයෙන් පැහැදිලි කර ඇත....

එසේම ලජ්ජාවට තුඩුදෙන අනිත් කාරණය නම් තමන් ජ්‍යෝතිෂය කිසිසේත්ම පිළිනොගන්නා බව සමහර බුද්ධිමතුන්  විසින් ප්‍රසිද්දියේ ප්‍රකාශ කිරීමයි....
ශ්‍රී ලාංකීය සමාජයේ අළුත් අවුරුද්ද ලිප ගිණි මොලවා කටේ ඔබාගන්නා වූ කිරිබත් කැටය සැදෙන්නේ කෙසේද???????
තමන් විවාහයට පත්වන සියළු වැඩසටහන් කරන්නේ කෙසේද??????
තමන්ට දාව උපදින දරුවා මෙලොව එළියදුටු මොහොතේ වෙලාව සටහන් කරගෙන රෝහලෙන් පිටවී දුවන්නේ කොහෙද???????දරුවාගේ කේන්දරේ යනු කුමක්ද??????
තමන් තමන්ට කැමති අකුරකින් තම දරුවාට නමක් දමයිද????????
මල්වරවූ තම දියණිය කැටුවගොස් ඇලේ දොලේ ඔබා නාවයිද????????

එබැවින් මේ කරුණු සියුම් ලෙස පරික්ෂා කොට බලා අද සමාජයේ වැළලී යමින් තිබෙන චතුර් විද්‍යාව නැසෙන්නට හරින්නේද නැත්නම් කෙසේහෝ ආරක්ෂා කරන්නේද යන්න ඔබ විසින් තීරණය කරන්න...
 ඒ වගේම වැදගත් වන වැදගත්ම කාරණය වන්නේ මේ විද්‍යාවන්ගේ උදවු උපකාර ලබා ගන්නේ නම් මේ ශාස්ත්‍රය හරියාකාරව නිවැරදිව දන්නා අයගෙන් පමණක් උපකාර ලබා ගන්න මෙනි...නැත්නම් වනුවේ  නොදැන ගොහින් අතරමං වීමටය    ......



ඉදිරියේදී තවත් වැදගත් ලිපි ලිවීමට යන එනකොට ඔබ දාන කමෙන්ටුව මට ඉතා වැදගත් වේවි.!!!!!

යක්ෂයින් සමග සෙල්ලම්

හිතුන සමාජයට යහපතක් වෙයි කියල හිතුන දෙයක් ගැන ටිකක් හොයල බලල ඒ ගැන ටිකක් ලියන්න.මේ  ගැන ටිකක් හොයන්න මට මහන්සි වෙන්න උනත් මම හිතනවා මේක කාටහරි වැදගත් වේවි කියල...සමහරු මේ දේ ගණන් ගන්නේ නැති වේවි..ඒත් ඇත්ත  මොකක්ද කියන එක ටිකක් හොයල බැලුවොත් හොදයි කියල හිතුන නිසයි ලියන්නේ..........

    සුරය         (යන්ත්‍රය)

මේක සමහරු බෙල්ලේ එල්ලගන්නවා .තවත් සමහරු ඉනේ...තව අය පර්ස් එකේ එහෙම නැත්නම් කෝට්ටේ අස්සේ....සමහරු කැමැත්තෙන් දාගන්නවා......සමහරු අකමැත්තෙන් දාගන්නවා කෙනෙක්ගේ බල කිරීමට...හේතුවක් නිසා මටත් මේක ගැන සති ගානක් හොයන්න උනා...

සුරයක් දාන්නේ ගොඩක් අය තමන්ට කරදරයක් නිසයි..සමහරු අපල දුරුවෙන්න නැත්නම් දියුණු වෙන්න කියල හිතගෙනත් දානවා....

ඒ මොන විදියට සුරයක් දැම්මත් ඒක දන්නේ ජීවම් කරලයි..ජීවම් කරනවා කියන්නේ ගොඩක් වෙලාවට තඹ තහඩුවකට මල් බුලත් තට්ටුවක තියල මතුරනවා....එහෙම නැත්නම් තෙල් මතුරලා පුළුන් කෑල්ලක පොගවල සුරේ ඇතුලට දානවා.....

එතකොට මේ මතුරනවා, ජීවම් කරනවා කියන්නේ මොකක්ද.....ජීවම් කරන්නේ කොහොමද , මොනවා කියලද...

සමහර යන්ත්‍ර බුදුගුණ කාණ්ඩයට අයත්වේ......යුද්ධ භංග යන්ත්‍රය,සබ්බ පාපස්ස යන්ත්‍රය,සීවලී යන්ත්‍රය,මහා රතන යන්ත්‍රය,ජලනන්දන යන්ත්‍රය මේවා අතර ප්‍රදාන තැනක් ගනී...ඒකෙන කැරෙන්නේ බොහෝ දුරට දෝෂ කපන ඒකයි. තමන්ට තියෙන බූත ,පෙරේත දෝෂ....ඒ වගේම තමන්ට කරලා තියෙන හැදී හූනියම්......සියලුම බලවේග කපන එක තමයි මෙයින් කෙරෙන්නේ...
ඊට අමතරව ගොඩක් දෙනාට ජීවම් කරන්නේ වෙනත් දේවල් වලට අදාල මන්තරයි...ඒවයෙන් මිනිස්සු බොහෝ දේවල් බලාපොරොත්තු වෙනවා...නඩුහබ දිනන්න..වෙලදාම් දියුණු කරන්න. ග්‍රහ දෝෂ නැති කරන්න කෙනෙක් හිතුවක්කාරකම් නැති කරන්න සම්පුර්ණ ආරක්ෂාව එහෙම නැත්නම් සතුරෙක් විනාශ කරන්න   වගේ දේවල්.......තවත් අය කෙනෙක්ගේ බේබදුකම නැති කරන්න ප්‍රේම සම්බන්දකම් කඩන්න...එහෙම නැත්නම් තමන්ට අකමැති කෙනෙක්ව ලබාගන්න ඒ කියන්නේ කෙනෙක්ව වශී කරගන්න වගේ එක එක ගොඩක් කරන වලට ජීවම් කරලා යන්ත්‍ර පළදිනවා....මේ කොහොම යන්ත්‍රයක් පලදුවත් සුරයක් හදනකොට ඒ දේ කරන මන්තරකරුවා විසින් යම් කිසි ක්‍රියාදාමයකට අනුවයි එම යන්තරයේ නිර්මාණය කරන්නේ........

01..........
1...සුදුසු ස්ථානය (පිළිම ගෙය,බෝමැඩ,නුග වෘක්ෂය,ගංගා ඇලදොළ........)
2...යන්ත්‍රාසනය (යන්ත්‍රය තබන යන්ත්‍රාසනයට උඩින වියනක් බැඳ නා,බෝ,බුලත්,පුවක් මල් කිනිති එල්ලා පස් වර්ගයක මල් ඉස ආසනය සැකසීම..).
3....යන්ත්‍රපත් බැදීම...(තල්පතක්,රත්රන් පතක් ,නැතිනම් තඹ පතක් සම්මත අයුරට සකසා ගැනීම)
4....අශ්ටකර්ම සදහා බැලිය යුතු දිශා...(තමා කරන ජීවමට සුදුසු දිග්බාගය තෝරාගෙන ඒ පැත්තට මුහුණලා ජප කිරීම....
5....යන්ත්‍රහුය .(යන්ත්‍රය ජීවම අල්ලාගැනීමට යන්ත්‍රයේ දවටන නූල සැකසීම)

      ඊට පස්සේ තමයි අමාරුම ටික...........ඇඳුරා විසින් යන්ත්‍රය සැකසීම...
02........
1.. තෙරුවන් නැමද පන්සල් ගැනීම..
2..කිලි හැරගැනීම
3..ආරක්ෂක මන්තරය ජප කිරීම
4..තුන් සුත්‍රය
5..වරම් ගැනීමේ මන්ත්‍රය ජප කිරීම
6..පන්චෝපචාර දිස්ටිය ජීවම් කිරීම
7..පංචභූත දිස්ටිය
8..යන්ත්‍රයට ගැලපෙන දිෂ්ඨිය ලබා දීම..
9..මන්ත්‍ර ප්‍රාණය ලබාදීම
10..පලිප්පු දීම
11..පුට මන්ත්‍රය මතිරීම
12..මන්ත්‍ර සුද්ධිය
13..මන්ත්‍ර සිද්දිය..
14..යන්ත්‍රයට අවශ්‍ය මන්ත්‍රය මැතිරීම......
15..යන්ත්‍රය හකුලන මන්ත්‍රය..
16..යන්ත්‍ර ප්‍රාණ පිහිටුවීම...
17..යන්ත්‍රය පැළදවීම.......

ඔන්න ඔහොමයි කෙනෙක්ගේ යන්ත්‍රයක් වැටෙන්නේ.. 

මම කියන්න හදන්නේ යන්ත්‍රයක් දාගන්න කියන එක නෙවෙයි..යන්ත්‍රයක් දාගන්නවා කියන්නේ යම්කිසි ප්‍රාණයක් අපේ ජීවිතේට එකතු කරගන්නවා කියන එකයි..ඔය හැම මන්ත්‍රයකින්ම කරන්නේ ශබ්දයේ ශක්තිය උපගොගී කරගෙන යම්කිසි ජීවයක් යන්ත්‍ර පතට ආකර්ෂණය කරලා තියන එකයි..ඒ කියන්නේ යම්කිසි රාජකාරියක් පවරලා යම්කිසි ප්‍රාණයක් අපිට ආකර්ෂණය කර තැබීමයි....ඒ ප්‍රාණය යක්ෂයෙක්ද ,භුතයෙක්ද ,ප්‍රේතයෙක් ද කියන දේ ඒ ඒ යන්ත්‍රයේ කාර්ය අනුව වෙනස් වේ...
බුදුගුණෙන් යන්තරය මැතුරුවත් මා ඉහත සදහන් කල සියලුම කාර්යන් සිදුකලයුතු බැවින් එහිදීද යම් ජීවයක් උපයෝගී කරගනු ලැබේ..මොකද බුදුගුණ මන්ත්‍රය මතුරන්නේ   14 වන අවස්ථාවේ වන බැවිනි....එබැවින් කෙනෙක් කිනම් අයුරක යන්ත්‍රයක් පැළද ගත්තද ඒ කරන්නේ තමන් ගේ අවශ්‍ය කාර්ය සදහා මළගිය ප්‍රාණකරුවෙකුගේ උදවු ලබා ගැනීමක් වන්නේය...


ඊට අමතරව තවත් ආකාරයක සුරයක් සැකසේ..
ඒ යම්කිසි දිශ්ටියක් ඇත්තෙක් විසින් කරනු ලබන ජීවම් කිරීමය....සමහර විට යන්ත්‍රයක් දැමීම  නැත්නම් පඩුරක් ගැට ගැසීමද සිදු කෙරේ...මෙයද මළගිය ප්‍රාණියෙකු කැදවා රාජකාරියක් භාර දීමක් වන්නේය.සමහර විට මෙය යන්ත්‍රයක් පලදිනවාටද වඩා බලසම්පන්න වීමට ඉඩ ඇත.මොකද දිෂ්ටිය ඇති ආතුරයා ට ලැබී ඇති දිෂ්ඨියට හිමි ප්‍රාණියා  කැදවනු ලබන්නේ තමන්ටවඩා පහත් ප්‍රාණියකු වන නිසාය..අණ දෙනු ලබන ප්‍රාණියාට ආව තේවා කිරීමට අණ ලබන ප්‍රාණියා බැදී සිටීමට පුළුවන් බැවින් අම කාර්ය යන්ත්‍රයක් දැමීමට වැඩ බලගතු ලෙස සිදු වීමටද හැකියාව පවතී..... 


ඊට පස්සේ අපි බලමු මොකද වෙන්නේ කියල....
ඊට පස්සේ තමන්ට නියමිත රාජකාරිය කරගෙන තමන් එක්කම ඒ මළගිය ප්‍රාණ කාරය ජීවත් වේ.ඒ කාර්ය කිරීමෙන් අනතුරුව ප්‍රාණකාරයට මොකද වෙන්නේ......වැඩේ කරලා ඉවරයි කියල ආපහු නිකන්ම යාවිද...ඔන්න කරදර එන්න පටන් ගන්න තැන.....තමන්ගේ වැඩේ කරලා ඉවර උනාම කරන්න දෙයක් නැති නිසා ඒ ප්‍රාණියට ගලවීමකුත් නැති නිසා කරදර කරන්න පටන් ගන්නවා.සමහරවිට අවසානය මරණය වීමටද පුළුවනි....ඒ කෙසේ වෙතත් බන්ධනය ඇතිවුන දිනේ පටන් පරපෝෂිතයෙක් වගේ ඒ ප්‍රාණිය ජීවත් වෙන්න වුවමන දේවල් සිදු කරගන්නේ නම් තමාගෙනි...අවශ්‍ය කෑම බීම හා වෙනත් අවශ්‍යතා අවශ්‍ය ආකාරයට සිදු කර ගනී..කොටින්ම කියනවනම් සමහර වෙලාවල් වලට සමහර අම්මල තාත්තල තමන්ගේ දියණියව කෙනෙක්ගෙන් බේරගන්න කරන ජීවමකදී ඇය කෙරේ බන්දනු ලබන ආරක්ෂකයා ඇයව පාලනය කරනු ලැබේ...බොහෝ දුරට ඇයට ඇති අවශ්‍යතා සියල්ල නින්දේදී  ඇය වෙත එම ප්‍රාණියා ලබා දෙනු ඇත. එවිට ඇයට ඇයගේ පෙම්වතා ගේ අවශ්‍යතාවය ඇති නොවේ..ක්‍රමයෙන් ප්‍රේම සම්බන්දය විනාශවේ .....නමුත් නරකම දේ නම් ප්‍රේම සම්බන්දය කැඩී ගියද ප්‍රාණිය ඇය සමගම සමහර විට ජීවිත කාලයම ජීවත් වීමයි...අවසානයේ බොහෝ දුරට සිදුවනුයේ ඇයට නිසියාකාර කසාදයක් කරගැනීමට නොහැකිව ජීවිත කාලෙම තනි කඩ වීමට සිදුවීමයි.එසේ නොමැතිව කෙසේ හෝ කසාද ජීවිතේකට ඇතුල් උවහොත් ජීවිතේම අවුල් ජාලාවක් කරගැනීමයි......බොහෝ විට ජීවත් වෙන්නේද යක්ෂණියන් මෙනි.....සමහරවිට ජීවිත වලින් වන්දි ගෙවීමට සිදුවේ...
ඊලගට අපි හිතමු යම් හෙයකින් කාර්ය සිදු කිරීමෙන් අනතුරුව හෝ මේ ප්‍රාණියා ඉවත් කිරීමක් සිදු කිරීමට අවශ්‍යයි කියා..කොහොමද ඉවත් කරන්නේ.... සමහර ප්‍රාණ පුජා දාන මාන ලබා දීමෙන් පිටමන් කල හැකියාව තිබේ..ඒත් සමහර ප්‍රාණයින් පිටමන් වීමට අකමැතිය..එම ප්‍රාණියාට අරක්ගත් ශරීරයේ ලැගුම් ගන්නට නොහැකිනම් බොහෝ දුරට ආපස්සට යාමට ඉඩ තිබේ..එම නිසයි යන්ත්‍රයක් ජීවම් කිරීමේදී ඇඳුරා විසින් අංක 2.. 3.. ආකාරයට ආරක්ෂක මන්ත්‍රය ජපකර තමන්ගේ ආරක්ෂාව සාදා ගන්නේ......එම නිසා සමහර විට ආපස්සට හැරුනොත් බොහෝ දුරට එම යන්තරය දැමීමට සලස්වපු කෙනාට කරකීමටද ඉඩ තිබේ.....බොහෝ දුරට යක්ෂයින්ගෙන් යම් වැඩක් කරගත් පසු හෝ යම්දෝෂයකින් ඉවත් කිරීමේදී එම දෝෂය කරනු ලැබූ තැනැත්තාට කරදරයක් කිරීමට එම යක්ෂය පසුබට නොවේ.
එසේම තවත් වැදගත්ම කරුණක් වන්නේ සමහර යක්ෂ දෝෂයක් ඇති කෙනෙක්ට ආරක්ෂාවට යන්ත්‍රයක් දැමීම හෝ එම ස්ථානයකට කටුව යෑමට  අපහසු මෙන්ම යන්ත්‍රයෙන් දෝෂයක් කරගෙන ඇති කෙනාටද යන්ත්‍රය ඉවත් කිරීමට එම දෝෂය ඉඩ නොදීමයි....එනම් එම යක්ෂයා විසින් එම අතුරයා පාලනය කිරීමයි...

ඉතිහාසයේ යක්ෂයින් බඳවා වැදගත් කතා පුවත් බොහොමයකද මෙම කරුණ ස්ථිර කර ඇත...එම නිසා යාලුවනේ....යක්කුන් සමග සෙල්ලම් කිරීමේදී පරිස්සම් උනොත් ගොඩාක් හොදයි කියන එකයි මගේ හැගීමනම්......


බලල යනගමන් කමෙන්ටුවක් දාගෙන යනවනම් තවත් වැදගත් දෙයක් කිරීමට එය පිටුවහලක් වේවි.!!!!

මට පාළුයි පැංචියේ.......

පාළුව තනිකම කියන්නේ මොකක්ද කියන එක අද තරම් මට දැනුන වෙනත් දවසක් නෑ. ..ජීවිතේ හැම වැදගත් වැඩකටම මගේ ලගින්ම හිටිය ඔයා අද ගොඩාක් ඈත් වෙලා..දන්න හිතවත් අය කව්රු  හිටියත් මගේ පැංචිගෙ  අඩුව පුරවන්න කව්රුත්  එතන හිටියේ නෑ..උදේ 8 ඉදලා හවස 6 වෙනකන් ඔයාව මතක් උනේ නැති තප්පරයක් නැතිව ඇති...මොකද මේවගේ වැඩක් කරද්දී ඔයා  හැමදාම මගේ ලගින්ම ඉදගෙන මට උදව් කරන නිසා..
මට රණ්ඩු වෙන්නවත් කවුරුත් නෑ..මොකද මගේ කියල මට දෙයක් හැමදාම කියන්න හිටියේ ඔයා විතරයි..මම ඔයාට කෑගහන්නේ රණ්ඩු වෙන්නේ  ඒ ඔයා  මගේම නිසයි...ඒක ඔයත් දැනගෙන හිටිය..ඔයත් දන්නවා මේ ලෝකේ මම ආදරේ කරෙත් ඔයාට විතරමයි කියන  එකත්.මගේ අතින් ගොඩක් වැරදි  වුනා...ඒත් මම දන්නවා ඒ වැරදි නිසා නෙවෙයි අද ඔය මගෙන් ඈත් උනේ කියන එක..මම ටිකක් ඈත් වුන ටික දවසට ඔයාගේ ලෝකෙට රින්ගගත්තු කාලකන්නි යාලුවෝ තමයි ඔයාව ඔය තත්වෙට ගෙනාවේ..මම දන්නේ නෑ වුන් මොන වගේ යාලුවොද කියන ඒකනම්..කවදාවත් දැකලවත් නැති මොක්කුද කියල දන්නෙවත් නැති උන්...පොස්ට් එකක් ලියපු පලියට තමන්ගේ පොස්ට් එකකට ආදරේ හිතෙන විදියට කමෙන්ට් එකක් දාපු පලියට උන් මොක්කුද කියන එ‍ක ඔයා දන්නේ නැතිව අද ඔයා අතරමං වෙලා.. 
ලස්සනට ලීවට ලස්සනට කතා කරාට ලස්සන අදහස් කීවට ඔයා අසරණ වෙච්ච වෙලාවට උන් කුරුත් ඔයාගේ ළග නැතිවෙයි.. ඔයා  තනිවෙයි...උන්ගේ ලෝක ලස්සන කරගත්ත දවසට ඔයාගේ හිත සනසන්න ඔය අද ඉන්න කාලකන්නි කව්රුත් ඔයාගේ ළග නැහැ..ඔයාට දවසක තේරෙයි  ඔයාගේ හිත අද සනසන සුන්දර කථා කියන ලස්සනට ලියන හැමදෙනාගේම හදවත් හිතන තරම් සුන්දර නැහැ කියන ඒක..ජීවිත කාලෙම වනචර කම කරපු හොදක් කියන දෙයක් කිසිම කෙනෙකුට නොකරපු ජීවිත කාලෙම කාලකන්නි වැඩම විතරක් කරපු එවුනුත් ලස්සනට ලියනවා කියන එක.කලකනි උණු උන්ගේ ජීවිත ඔයාගේ ජීවිතෙත් කාලකන්නි කරනවා කියන එක...
ඔය කවදාහරි  තේරුම ගනීවි...
ඔයා දන්නවා හැමදාම මට ඕනේ වුනේ කාටහරි හොදක් වෙනවා දකින්න විතරමයි කියන එකත්..මට පාඩුවක්මයි වෙන්නේ කියල දැනගෙනත් වෙන උන්ගේ සතුට වෙනුවෙන මගේ දේවල් මම කැප කරනවා කියන එක...ඒත් මට ඔයා  ගැන එහෙම බලාගෙන ඉන්න බෑ...ඒත් ඔයාගේ ආදරේ මට බලෙන් ලබාගන්නත් බෑ ...මට කරන්න තියෙන්නේ ඔයා කවදා  හරි මගේම වේවි කියල  හිතාගෙන  ඒ දවස වෙනකම් මග බලාගෙන ඉන්න විතරයි..
මම මගේ ජීවිතේ කාටවත් සාප කරලා නෑ කියන එක ඔයා දන්නවා ..ඒත්.....අපි දෙන්නව මේ විදියට ඈත් වෙන්න පාර කපපු හැමෝගෙම ජීවිත වලට මම දවස ගානේ හෙලන මේ හැම සුසුමක්ම  කඳුලක්ම සාපයක්ම වේවි...


ඒ මොනවා වුනත් අද දවස ඔයා මගේ ලගින්ම ඉන්න තිබුන දවසක්..එහෙම වුනානම් අද තියපු ආරම්භය සාර්ථක වෙලා මම විදින සතුට මට ඔයාව මගේ පපුවට තුරුළු  කරගෙන විදින්න තිබුන.මගේ පැංචිගෙ ඇස් දෙක දිහා බලාගෙන හිනා වෙන්න තිබුන...ඒත් අද ඔයා එතන නෑ ....මම තනිවෙලා තනියම .....                                   මට පාළුයි පැංචියේ.......

ආදරයේ විනාශය....

කවියක් ලියන්න දවස් ගානක් උත්සාහ කරා..ම්ම්හ්...කිසිම කවි සිතුවිල්ලක් එන්නේ නෑ ...එක එක  කොළ කෑලි වල ඔහේ ලියුව.. කිසිම ගැලපීමක් නෑ...අනේ මන්ද....මම හිතන්නේ වේදනාව කියනදේ හිතෙන තුරන් වෙලා වෙන්න ඇති...මොකද වේදනාවත් එක්ක ගොඩාක් හැගීම් ගලාගෙන එනවා.ජීවිතේට කවියක් ලියපු නැති මම පලවෙනි වතාවට කවියක් කීවේ එයා  මගෙන අත්වෙනවා දැනුන දුකට.මම කවියක්  කියන දෙයක් කියෙවුවනම් කියෙවුවෙ O/L  වලට ඉස්සර සිංහල වලටයි බුද්ධාගමටයි  පොතේ තියන ඒවා විතරයි....අන්තිමට විරහ වේදනාවට ලස්සන කවි කියවෙනවා..සින්දුවක් අහද්දිත් ඒ සින්දුව මටම කියනවා වගෙයි දැනෙන්නේ..

හිත කියන්නේ මහ පුදුම දෙයක්..ටික කාලයක් යද්දී වේදනාවන් වලට හුරු වෙනවා...එහෙම නැත්නම් ඒ වේදනාව දැනෙන්නේ නැතිව යනවා..මම මේ දේ එයාට කීව මගේ ආදරේට මෙච්චර වේදනා දෙන්න එපා කියල...මොකද වේදනා විදලා ඇති වුනාම එයාගේ ආදරෙන් මට වැඩක් නැති වෙන නිසා..ඊට පස්සේ වෙන්නේ පිළිකුල විතරයි..මොකද මම ක්‍රීඩකයෙක්...මට ජය පරාජය දෙකම හුරුයි....එයාගේ නිදහස හොයාගෙන අවුරුදු ගානක ආදරේ එයාට අමතක කරන්න පුළුවන් උන වෙලාවේ මම හිතුවේ මගේ මුළු ජීවිතේම නැති වුන කියලයි..ඒ පරාජය මට භාර ගන්න ගොඩාක් දුක විදින්න වුනා. ඒ ඇයි කියලනම් මට තේරෙන්නේ නෑ..එත් මම හැම උත්සාහයක්ම ගත්ත ආයේ මගේ ජයග්‍රහණය ලබා ගන්න දවස් ගණන් නිදි නැතිව ,ඇගට කෑමක් නැතිව ඇස්වල කඳුළු පුරෝගෙන  දුක වින්ද කෝට්ටේ පෙගෙනකන් ඇඩුව.මගේ වේදනාව එයාට එදා විහිළුවක් වුනා....නමුත් ඒ හැම වේදනාවක්ම දවසෙන් දවස මාව ශක්තිමත් කරා මගේ හිත හදාගන්න....

එයාට නැතිවුනේ නිකම්ම නිකන් කොල්ලෙක් නෙවෙයි..එයාට පන වගේ ආදරේ කරපු කොල්ලෙක්...එයා වෙනුවෙන් මැරෙන්න උනත් ලෑස්ති කෙනෙක් කියන එක එයා දන්නවා...දවසක එයා හොයන නිදහස එයාව විනාශ කරන්න පුළුවන් කියන එක තාම එයාට තේරෙන්නේ නැතිව ඇති...අපි දෙන්නව ඈත් කරන්න එයාගේ යාළුවො කියල කියන අය ගොඩක් ඉවහල් වුනා කියන එක මම දන්නවා..මම එයාලට ශාප කරන්නේ නෑ මගේ ආදරේ විනාශ කරාට..දවසක මේ ලෝකේ අපායක් උනොත් එයාට අපිව වෙන් කරපු ඔය කියන යාලුවන්ටම එයාලගේ ජීවිතේම ශාපයක් වේවි...

මට තියන එකම දුක ජීවිතේ කවදා හරි දවසක එයාට මාව උවමනා වුනොත් මට එයාගේ දිහා හැරිලාවත් බලන්න බැරි තරමට මම එයාගෙන් ඈත්  වෙන ඒකයි....

මොකද මම හැමදාම ජයග්‍රහණයට උත්සාහ කරේ කුසලානයක් ගන්න මිසක් පඩික්කමක් ගන්න නොවෙන නිසා..

නුඹේ මතකය ඉතිරි කර අද.......

වේදනාව කුමක්ද කියන දේ මට කියා දෙන්නද නුඹ අද මා තනි කරදමා  යන්න ගියේ..නැතිද මොහොතකට නවතින්න සිතුනේ මගේ ආදරේ නාමයෙන්...මට කුමක් සිදුවේද කියා..නුඹේ මතකය පමණක් ඉතිරිව මම කෙසේ ජීවත් වෙන්නද...නුඹේ මතකය ජීවිතේ පුරාවටම මගේ ළග තියේවි..සිටගන්නට කකුල් පන නැති උනත් මා කෙසේ හෝ සිටගෙන සිටින්නේ නුඹේ මතකයන් මා ජීවත් කරන නිසා පමණයි....මේ භවයේ මගේ නොවුන නුඹ මතු බවයේ මගේ වේවිද.......මගේම වේවිද......


කෑ ගසා හඩන්නට
 නොමැත මා හට සවිය
නුඹේ දෙස බලන්නට
 නොමැත මා හට සවිය
අබිමුවෙහි සිටින්නට 
නොමැත මා හට සවිය....
මගේ නුඹ කරගන්න 
නොමැති වුනි මට සවිය......

නුඹේ නෙතු බලන්නට
 නොහැක එය ඇත වසා.
නුඹේ අතගිලි ගන්න
 නොහැක එය බැද දමා
මේ භාවයේ මා මෙසේ 
අතරමං කොට දමා
අද නික්ම ගොස්ව ඇත
නිසල රුව මෙහි දමා...


මගේ දිවියෙන් සදහටම යන්නගිය නුඹ සදා මා මතකයේ රැදේවි!!!!!!

ඇය නුඹ නොවේ....

සුළඟ සේ ඉගිලිලා...

 අයාලයේ සී සීකඩ දුවපු

  සිත

   නැවතුනත් තව සිතක් අබිමුව.
.
    ඇති නොවුනි හැගීමක් 

     ආදරෙන්

      පෙම් කරනට ඇයට.....

       නොවිය ඇය නුඹ...


කිමද සිත නුඹට පමණක්                      
                    ආදරේ....   



ඔබේ කමෙන්ටුව මගේ මාවතයි

සිහින කුමරිය

රැය පහන කළද
 ඉකිබිදිමින් නොනිදා 
   මා ශෝකයෙන්

    සඳ කුමරියේ 
     සඳ කැන් සලා 
      සනසන්න 
       නිදි කුමරියව.......

        නික්ම යාමට නොදී 
         මගේ

          සිහින කුමරිය වෙතින්......

පුන් පො සඳ...........

සැඟවී රුදුරු
 ලෝකයෙන්......
  නිසසලේ
   හඩන්නට....
    හද කකියන
     වේදනා
      දුරුවනතුරු.....

       සිටියෙමි
        නිසල  රැයේ...
         ඝන අදුරේ
          සැගවෙන්නට.......
         

           එහෙත්.....
            එයද මට හිමි නැත....
             අද සඳ පායා ඇති

              පුන් පොහෝදිනයකි.......

සෙනසුරු මාරුව ඔබට කොහොමද.........

හිතුන හැමෝටම වැඩක් වෙයි කියල හිතුන වැඩක් කරන්න ............අපි මොනදේ කරත් අපි කැමතියි අපේ ග්‍රහ චක්‍රය දිහා පොඩ්ඩක් හරි දැනගන්න.මොකද අඩු ගානේ හෙට දවසේවත් අපිට යහපතක් වෙයිද කියල දැනගන්න ආස නිසා... .මොකද මිනිස්සු හැටියට අපි කවදාවත් සෑහීමට පත් වෙන්නේ නැති නිසා.ඒක නිසයි මම හිතුවේ මේ පොස්ට් ඒක දාන්න.


වසර 29 කට පසුව සෙනසුරු හෙවත් ශනි ග්‍රහයා නැවත තුලා රාශියට  2011 නොවැම්බර් 15 දින 09:26 ට පිවිසුණි.මෙම සෙනසුරු වක්‍ර වෙමින් නිවුර්ත වෙමින් කන්‍යාවට යමින් එමින් නැවතත් පසුගිය අගෝස්තු 04 දින තුලා රාශියට ඇතුළු විය. 



අංක විද්‍යාවට ඇත්තේ බොහෝ ඈතට විහිදී ගිය දීර්ඝතම වූ ඉතිහාසයකි.අංක විද්‍යාව ඈත අතීතයේ අපගේ අසල්වැසි රාජ්‍ය වන මහා භාරතයේ හින්දු රාජ සමයේ  චතුර්වේදයෙන් එක් වේදයකට අයත් මහා පඬිවරයින් අතින් බිහිවුවකි.මින් එක් අංශයක් වන දෛව අංකය මගින් මෙම  ග්‍රහ මාරුව තමාට  බලපා ඇති ආකාරය කෙසේදැයි කියා පෙන්වීමට මින් උත්සාහ  කෙරේ..තමාගේ දෛවය කොහොමද කියල දැනගන්න ඕනේ යාළුවො ,තමාගේ දෛව අංකය පහත දක්වා ඇති ආකාරයට සොයාගෙන් එම අංකය comment කරන්න .නැත්නම් vishidarsha@gmail.com වලට එවන්න ඔයාලගේ mail ලිපිනයත් සමග.

ඔයාලගේ දෛව අංකය සොයා ගන්නේ........
උපන් වර්ෂය ,මාසය හා දිනය තනි අංකයක් බවට පත්වන තෙක් එකට එකතු කරන්න.මෙම උදාහරණය අනුගමනය කරන්න.....1946 අප්‍රේල් මස 28  දින උපත ලද්දෙක්ගේ දෛව අංකය සොයන්නේ මෙසේය....

1+9+4+6+4+2+8=  34  =3+4 =7
මෙහි දෛව අංකය 07 ය.
මුල හා අග බින්දු වල වටිනාකමක් නැත. එනම් මෙහි 34 වෙනුවට 10 වුවෙනම් දෛව අංකය 01 ය .11 නම 1+1=2 .දෛව අංකය 02 ය 


හැබැයි ජීවිතේ ග්‍රහයන්ටම භාර  දීල උඩ බලාගෙන ඉන්නනම් එපා..මොකද අපේ ගොඩක් අය කරන්නේ හැමදේම උඩින් කටට වැටෙනකන් බලාගෙන ඉන්න එකනේ...ඒ වගේම තමයි  තමන්ගේ නරක ග්‍රහචාරය තමන්ගේ උත්සාහය නිසා වෙනස් කරගත්ත ගොඩක්  අය ලෝකයේ ඉන්නවා කියන එකත් මතක තියාගන්න....

හිතුන හැමෝටම වැඩක් වෙයි කියල හිතුන වැඩක් කරන්න .අපි මොනදේ කරත් අපි කැමතියි අපේ ග්‍රහ චක්‍රය දිහා පොඩ්ඩක් දැනගන්න.මොකද අඩු ගානේ හෙට දවසේවත් අපිට යහපතක් වෙයිද කියල දැනගන්න.මොකද මිනිස්සු හැටියට අපි කවදාවත් සෑහීමට පත් වෙන්නේ නැති නිසා.ඒක නිසයි මම හිතුවේ මේ පොස්ට් ඒක දාන්න.
හැබැයි ජීවිතේ ග්‍රහයන්ටම බාර  දීල උඩ බලාගෙන ඉන්නනම් එපා..මොකද අපේ ගොඩක් අය කරන්නේ හැමදේම උඩින් කටට වැටෙනකන් බලාගෙන ඉන්න එකනේ...


අංක විද්‍යාවට ඇත්තේ බොහෝ ඈතට විහිදී ගිය දීර්ඝතම වූ ඉතිහාසයකි.අංක විද්‍යාව ඈත අතීතයේ අපගේ අසල්වැසි රාජ්‍ය වන මහා භාරතයේ හින්දු රාජ සමයේ  චතුර්වේදයෙන් එක් වේදයකට අයත් මහා පඬිවරයින් අතින් බිහිවුවකි.මින් එක් අංශයක් වන දෛව අංකය මගින් තමන්ගේ ග්‍රහ මාරුව තමාට  බලපා ඇති ආකාරය කෙසේදැයි කියා පෙන්වීමට මින් උත්සාහ  කෙරේ..තමාගේ දෛව අංකය සොයාගන්නේ පහත දක්වා ඇති ආකාරයට සොයාගෙන් එම අංකය comment කරන්න .




වසර 29 කට පසුව සෙනසුරු හෙවත් ශනි ග්‍රහයා නැවත තුලා රාශියට  2011 නොවැම්බර් 15 දින 09:26 ට පිවිසුණි.මෙම සෙනසුරු වක්‍ර වෙමින් නිවුර්ත වෙමින් කන්‍යාවට යමින් එමින් නැවතත් පසුගිය අගෝස්තු 04 දින තුලා රාශියට ඇතුළු විය.

රහසේම මා මියෙන්නම්..........

සේද මීදුම් මාවතේ හද   ස්වප්නයක නෙතු               පැටලිලා 

හදෙහි ගිනි කඳු පිපිරෙමින් නෙතු  කඳුළු ලෝදිය       ගලනවා

එදා මතකයේ සිහින වැල් අද නොනිදාම නෙතු      මැවෙනවා 

දුටුව සිහිනේ එදා දවසේ  හදේ තැන තැන                  දුවනවා.........

නොසිත සිටියත් ඇයි අතීතයේ තුෂර පිණි බිඳු          ගලන්නේ

හදවතට ඇයි තට්ටු කර මේ  ඉකි බිදුම් මට          ගෙනෙන්නේ

අඳුරු රෑ නුබ කුසේ තරු වැල්  මැකී වියැලී            සැලෙන්නේ 

අඳුර කැටයම් සදා නුඹේ රුව   හඳේ ගෙත්තම්          කරන්නේ  .......

හිතේ අහුරපු එදා මතකය  වේදනාවකි                  ගෙනෙන්නේ

සිනහ කඳුළැල් එලව දමලා  දුක සුසුම් මැද                 සිටින්නේ

රැහැයියන් නෑ කෑගසන්නේ  ලොවම නිසලව          තිබෙන්නේ

ඈත මීදුම් අතර නුඹේ රුව ළඟ සිටින ලෙස           පෙනෙන්නේ .......

අතීතය නුඹ යලි යලිත් විත් කඳුළ උරුමය                   කරයිනම් 

ලොවම හිනැහෙන විටත් මගේ සිත දුකින් ගිනිගෙන දැවෙයිනම් 

සැනසුමක් නැති ලෝකයේ මා තනිව ඉකිබිඳ              හඬයිනම් 

කිසිවෙකුට නොකියාම රහසේ අන්දකාරේ              මියෙන්නම් ...........

ඔබගේ කමෙන්ටුව මගේ ඉදිරි මාවතම වේවි.............

නුඹේ සිනහව .............

යැදුවෙමි ආදරය නුඹෙන්..
හැඩුවෙමි කෑ ගසා ලොවම සලිත වන සේ
පුද කලෙමි ජීවිතය මිහිකත කම්පා වනසේ 
නමුත් 
ඒ කිසිත් නුඹට නොදැනුනි....


කඳුල නුඹට සිනාවක් විය
ලතැවිල්ල නුඹට සිනාවක් විය
මරණයද නුඹට සිනාවක් විය
වෙන්ව යාමද නුඹට සිනාවක්ම වන බව    
          දනිමි අද මම.............

ඇත්තේ පාළුවක්  පමණක්ම වන බවද 
          දනිමි අද මම..........



මෙවන් සිතකට කල බව ආදරේ මම
දැනෙන විට දැනෙන දුක ....වේදනාව.
අද මා අළුකොට හමාරය......
 තවත් නුඹ ඉදිරියේ කුමට මා 
කඳුළු සලන්නේද
වැලපෙන්නේද 
සුසුම් ලන්නේද
දොඩමලු වන්නේද...............

නුඹේ පාළුව මා මෙසේ වෙන්වී ගිය පසු 
තවෙකකු විසින් මකා දමන බව  නොඅනුමානයි.....
එවිට නුඹේ ඒ පාළුව වියැකී 
නුඹේ සිනාව නුඹට ලැබෙනු ඇත.....

නුඹේ සැනසුම නුඹට වේ           නම්

නුඹේ නිදහස නුඹට වේ             නම් 

නුඹේ සිනහව නුඹට වේ            නම්

      නුඹෙන් සදහට වෙන්ව       යන්නම්......

මම මගේ ජීවිත කාලයම නුඹ නැති පාලුවෙන් ජීවත් වන බව නුඹට කිසි දිනක නොදැනෙනු ඇත....

ඔබටයි මේ ආරාධනා.............

        බ්ලොග් ලෝකයේ එහා මෙහා සැරිසරන  යාළුවනේ                                
                     මෙන්න ඔබට පුංචි ආරාධනාවක්........

ප්‍රශ්න වලින් හෙම්බත් වෙලා හුස්ම ගන්නවත් බැරි වෙලාවක අපේ මිහිරි මතකයන් කාලයත් සමග අමතක වීගෙන යන මොහොතක ඒවා නැවත ආවර්ජනය කරලා ටිකක් හිනා වුනොත් හොද නැද්ද?..

ඒක තේමාවක් තෝරාගෙන එකේ මිහිරි අත්දැකීම් කෙටියෙන් හෝ කථා කරන්න.............

හැමෝගෙම සොදුරු මතකයන් ටිකක් එකතු වුනොත් මගේ මේ වෑයම සාර්ථක වේවි.
අපේ දුක වගේම අපේ සතුටත් අපි බෙදාගමු.වැඩේට කැමැති යාලුවෝ මාත් එක්ක සෙට් වෙන්න.
අපි බෙදාගමු අපේ අත්දැකීම් ..........................ඔබේ අත්දැකීම් Comments  වලට එකතු කරන්න.....
එහෙම නැත්නම් ඔයාලගේ බ්ලොග් එකේ ලියල   Link    ඒක දාන්න.........
එහෙනම් ඔන්න මමම පටන් ගත්ත.මෙතනින් පටන් ගත්තොත් හොදයි කියල හිතුන.....



1......... පාසැල් දිවියේ සොදුරුම අත්දැකීම.............

මෙන්න මගේ ලෝකේ........

කියල වැඩක් නෑ......
මමනම් ටිකක් දඟයි ඒ කලේ.ටිකක් කීවට ටිකකට වඩා ටිකක්....ඒ කලේ නම් සමහර දේවල් ටිකක් අමිහිරි වුනාට දැන්නම් ඒවා මතක කරනකොට මාර සුන්දරයි.
ලියනවනම් මම හිතන්නේ මට පොතක් ලියන්න පුළුවන් වෙයි.

මම ඉස්සර ඉතින් ක්‍රීඩාවේ ම තමයි.ඒක නිසා පාසලෙත් ටිකක් ජනප්‍රියයි .හරියටම මට O/L වලට මාස 6 තිබුනේ.කොහොමහරි ඉතින් ඔය කාලේ , විසේ වැඩිම කාලෙනේ.කොහොම හරි ඉතිං මටත් විදපි මල්සරා.
අපේ පාසැල පිරිමි විතරයි .ඉතිං කොල්ලෙක්ට කෙල්ලෙක් ඉන්නවා කියන්නේ ඒක පොර....
ඔන්න ලැබුන මට ෆස්ට් ලව් ලෙටර් ඒක. අයෙ ඉතිං මොනාද. ...ඕක බලන්න පන්තියේ හැමෝම පොරකනවා.හැමෝගෙම අතින් අතට මේක යනවා.කොහොම හරි පන්තියේ උගන්නද්දීත් කොල්ලෝ ඕක කියවනවා. ඔන්න ඉංග්‍රීසි සර්ට යාලුවෙක් ඒක කියවද්දී මාට්ටු.කරුවෙට ලිව්මත් ඉංග්‍රීසියෙන්. දැන් මගේ කකුල් වෙව්ලනවා දඩ දඩ ගාල. යාලුවගෙන් ඇහුව කාගේද ලිව්ම කියල .එකත් වෙව්ලනවා.ඒක මගේ දිහා බලල බිම බලාගෙන හිටිය.ඊටපස්සේ ඉතිං අපේ සර් හොදට ලිව්ම කියවල ගුලිකරලා අරූගෙ කටේ ඔබපි.
ඊටපස්සේ කීව දැන් ඕක කාපිය කියල.මේකෙත් මේක හප හප හිටිය .ඇන්න  ටොක්කක් යාලුවට..... මම හිතුවේ ඌට ....    උනා  කියලා.
ඊට පස්සේ ඒක ලිව්ම එලියට අරගෙන හෝදලා හෝදලා මට දුන්න.. ලිව්මේ බාගයක් නැ...
අයියෝ සල්ලි.......
කොහොමහරි ඉතිං ඔය බගේත් හැමෝගෙම අතට මරු වෙනවා.අන්තිමේදී කොහෙද නතර  උනේ.....
කෙල්ලගේ අයියගේ අතේ...
ඒක මට වඩා අව්රුද්දක් වැඩි පන්තියේ 12.අපේම ඉස්කෝලේ.......
මොනාද ඉතිං ඊට පස්සේ ගුටි වරුසාවයි.....
මාත් ඉතිං ඇරියේ නෑ.මොකද ඉතිං අපිටත් උනනේ .මගේ යාළුවොත් ඔන්න ගොරියේ.වලිය ලොකුවටම ගියා.අන්තිමට මගේ යාළුවා තුන්දෙනෙක් එක්ක අපි විදුහල්පති ළග.
හතර දෙනාගේම අම්මල එක්ක එන්න කීව  පහුවදාට.
මම ඉතින් බොහොම අමාරුවෙන් අපේ තාත්තව පහුවදා එක්කගෙන ගියා.
මොනාද ඉතිං කකුල් දෙක මෙඩිලින්.....
ගියගමන්ම කියපි මේකව මේඉස්කෝලේ තියාගන්න බැහැ .මාස තුනක් ඇතුලත ඉස්කෝලෙන් අස් කරගන්න කියලා. ...
අනේ ඉතිං අපේ තාත්ත ...........
හඃ
එයත් ගේම අතාරියේ නෑ....
මට එතනින් එලියට යන්න කීව . කොහොමහරි සද්දෙට කතාව ගිය..
මොකද එයත් විදුහල්පති කෙනෙක්නෙ...
අන්තිමට මාව මාස 6 ක් ඉස්කෝලේ පැත්තේ එවන්න එපා කියන එකනම් මට යස අපූරුවට ඇහුන.
තාත්ත එලියට ඇවිත් දුන්න කම්මුල් පාර....... මතක් වෙනකොට දැනුත් කම්මුල ඉබේටම අතගවෙනවා.......

අයියෝ සල්ලි............


ඔන්න ඉතිං එකක්.  

සමුගන්න අවසරයි නුඹට.......

අපි ආදරේ කරපු විදියට හිතුවේ නෑ අපිට මෙහෙම වෙන් වෙන්න සිදුවේවි කියල..එයා දන්නවා මං එයට කොච්චර ආදරේද කියල.මම එයාට ආදරේ කලේ මලක් බලාගන්නවා වගේ.හරිම ආදරෙන්.....

මගේ හැම හීනෙකම හිටියේ එයා ..........
ඇස් දෙක පියාගත්තම ඇස පිල්ලමේත් එයා......
හරිම සුන්දරයි ........

සමහර විට මම එයාට කරපු ආදරේ එයාට  වදයක් වෙන්න ඇති.එයා හිතන්න ඇති මම එයාගේ නිදහස නැති කරා කියල.   "නෑ කෙල්ලේ මම එහෙම කරේ ඔයාට ගොඩාක් ආදරේ කරපු නිසා"     කියල මං අද කීවට වැඩක් නැති ගානට අද එයා මගෙන් ඈත් වෙලා ......
එයාගේ හිනාව අවංක වුනත් සමහරුන්ට ඒක පාරාදීසයක්‌ වෙන නිසයි එහෙම මට එයාගේ නිදහසට තහංචි දාන්න  වුනේ...

එයා එක්ක රණ්ඩු වුනේ සැක කරේ එයාට  තියෙන ආදරේට කියන ඒක
                                                                                එයාට තේරෙන්නේ නැතිව ඇති......

මට එයාව එපානම් එයාට ආදරේ නැත්නම් මම එයාට ඕනේ තරම් නිදහස දීල
මගෙන ඈත් වෙන්න මමම පාර හදල දෙනවා කියන ඒක
                                                                                එයාට තේරුනේ නැතිව ඇති........

හ්ම්ම් ........

උත්සාහ කළා මම නැවත ගොඩනගන්න අපේ ලෝකය...
ආදරේ නැති හදවතක් පිටුපස හඬ හඬා ගව් ගානක් දුවගෙන ගියා.කඳුළු පුරෝගෙන අපේ ආදරේ අතීත මතකයේ අතරමං වුණු වාර අනන්තයි.ඒත් දැන් ඉතිරි වෙලා තියෙන්නේ අපේ අතීත මතක සටහන් විතරයි.

වේදනාවෙන් ලය පැලී ගියත්   එයාගේ  නිදහසට එයාට  ලැබේවි.....
මගෙන් වෙන් වෙලා කොහේ හිටියත්        දෙවියෝ එයාව ආරක්ෂා කරාවි. ......
දිනක මා මළ දිනක එයා  ඇවිත් සුදු මල් මිටක් තියල,
               මගේ සිරුරට පස් මිටක් දැම්මොත් මට එය  සදා සැනසීමක් වේවි..........

      සමු අරන් නුඹ යන්න මගේ ලෝකයෙන්...

"""කොහේ හිටියත් ඔයා සතුටින් ඉන්න රත්තරන්"""

         
                     ආදරේ නාමයෙන් මට කිව හැක්කේ එපමණයි......

                                 දෙකම්මුල් මගේ පෙගී පෙගී            විත්

                                 කඳුළු ගංගා ගල ගලා                       විත්

                                 සියොලඟම මගේ කිළිපොලා           විත්

                                      අඳුර මගේ ලොව රජ කරනු              විත්.....

අකුණු ගැසුවත් අසුනේ නෑ      මට
විදිලි කෙටුවත් පෙනුනේ නෑ    මට
වැස්සේ තෙමුනත් දැනුනේ නෑ මට
අහිමි වුණු මොහොතේදී නුඹ   මට ....

 කඳුළු බිඳු මම සගව                ගන්නම්

  සිනා සී සැම විට                   සිටින්නම්

  නුඹේ ලෝකය සපල වේ               නම්

       ඈත සිට මම සුභ                  පතන්නම් ....

                  මගේ ලෝකය අහිමි වූවද මම නුඹට සුභ පතන්නම්  !!!!!!!!!

ඔබටයි මේ ආරාධනා..........

ඉරබටු තරුව නුඹයි පුතේ............

'''' සමනළ තටුව සලනා පවනත්        දැනුනා...

    තුත්තිරි මලෙන් හමනා සුවදත්      දැනුනා...

    කණා මැදිරි එළියෙන් සැමතැන    දිළුණා ..

    දුර සිටි නුඹ මව්ගෙ සුසුමෙන් හිරි     වැටුනා.....'''''

නුඹේ අම්ම රෝස මලක් පුතේ......
ඇය මට තුරුළු වුනාම මට දැනුනේ නෑ අයට
හුස්ම ගන්නවත් අමාරුයි කියල ...
ඇයත් එසේමයි ...............
ඇයට මුළු ලෝකෙම මමයි...
එලිය වැටෙන්නෙත් මම ගැන හිතාගෙන
නිදාගන්නෙත් .. නිදාගන්නවා කියලයි...හැමදාම.....

අපේ ආදරේ කවදාවත් වෙනස් නොවෙන්න
වෙන්න ඇති පුතේ නුඹ අපි අතරට එන්න ඇත්තේ.....
ඒත් පෙර අකුසලකට වෙන්න ඇති  අපිට කවදාවත්
එකට ඉන්න වාසනාවක් නොවන්නට ඇත්තේ......

අපිට උරුම උනේ සුසුමයි වේදනාවයි ..
මම අහස බලන්නේ ඉරබටු තරුව නුඹ
කියල හිතාගෙනයි..........
දවසකට සැරයක් අහස බලල ඉරබටු තරුව
හොයලයි මම නිදාගත්තේ.....
මම දන්නවා නුඹේ අම්මත් එහෙමමයි කියල.....


අම්ම හිතුවේ ඔය ලස්සන පැංචි කෙල්ලෙක් කියලයි..
ඒත් මම හිතුවේ ඔයා රත්තරන් පුංචි කොල්ලෙක්  කියලයි...

ලෝකයේ වාසනාව අපේ අවාසනාවයි......
ඔයා අපෙන් වෙන්වෙද්දී අම්මගෙ විලාපය
මගේ දෙසවනේ තවත් රැව් දෙනවා...
මම සිටියේ ඇය දකින තුරු දෙපා වෙව්ලමින් ....

ඔයා අපි අතරට අවේ
අපිව හැමදාම එක් කරලා තියන්න කියල මම දන්නවා.
ඔයා ඈත අහසෙ තරුවක් වෙලා අපි දිහා බලාගෙන
නේද රත්තරන් හැමදාම ඉන්නේ.....
ඔයා බය වෙන්න එපා පුතේ ...මම ඔයාගේ අම්මව
ජීවිත කාලෙම පණවගේ රකිනවා........
ඒක මං ඔයාට දෙන පොරොන්දුවක් මගේ පුතේ...



ලොවේ සුන්දර අත්විදින්නට
නුඹට ඇයිදෝ නොහැකි වුයේ...
නුඹේ සෙනෙහෙන් සතුටු වන්නට
ඇයිද අප හට නොහැකි වූවේ........


ජීවිතේ ඝණ අන්දකාරේක
පටලවා නුඹ අපේ දෑසේ ...
තරුව වී එළිය දීපන්
දුක නිමෙන්නට අපේ දිවියේ.......


නොහැකි වුනි නම් එක්ව ඉන්නට
මේ දිවියේ අප සමග තොසිනේ..
පතමි පැතුමක් නුඹත් සමගින්
එක්ව ඉන්නට මතු බවේ දී..........

රහසේ සැලෙනා කඳුළු

දනිමි මම ලඳේ නුඹ 

       නිසළ සිරුර දෙස 

කඳුළු සඟවා බලා සිටින්නේ ඇයි කියා .....

මේ බවේ නොලැබුණු ඔහු මතු බවේ 

ඔබේම වේවායි සිතා නොවේද .................

ඇය දරුවන් සමග වලපුනත් කෑ ගාසා

නුඹට නොහැක අද එසේ වැලපෙන්නට

හදේ කකියන වේදනාව නුඹ ඉවසන්නට නොවේද 

සිරුර ඉදිරියේ ඇති පහනට වරින් වර 

තෙල් බිදක් දමන්නේ .........................

නුඹට නොහැක සොයුරියේ පොළොවේ හැපෙමින් 

කෑගසා හඩා වැලපෙන්නට .........

අද ඔහු හැරගොස් හමාරය .........

සුසුමක් හෙලා සැනසෙන්න මේ කුරිරු ලෝකයේ 

තනි වූ ඔබ..............................

කිසිදා ලගා කරගත නොහැකි 

            අහිංසක ස්වප්නයක පැටලී 

සිත් පිත් නැති කුරිරු ලෝකයේ අතරමංව 

අසම්මතයේ පෙම් කවිය ලියූ 

       නැගණියේ..........

අද නුඹට කඳුල විතරමය.....

                   එයද හොර රහසේම වන්නේය...........

                හොර රහසේම වන්නේය..........

වේදනාවක ඇරඹුමක්.........

නුඹ දුටු මුල් දිනේ
මෙලෙස මා හද 

කිමද ගොළු වුනේ ...............

දනිමි සත්සුදක්සේ 

    නොමැති බව අප 

හමුව මේ බවේ .....................

නමුදු තෙපුලන වදනක් 

  සමීපයි නුඹ 

මට හැම වෙලේ ..................

කව්ද ලඳේ නුඹ පෙර බවේ 

    මගේ හද තුල 

ලැගුම් ගත්තේ මේ බවේ ............

කිසි දිනක මා හට 

    නොහැකි වේවිද 

කරනට අමතක නුඹ .................

දැනෙන්නේ බියකි හදවතට 

    මෙය තවත් 

වේදනාවක ඇරඹුමක් වේවිද....................

මුතු කඳුළු...........

නිල් නුවන් රතු වෙලා 

දෙකම්මුල් තෙත් වෙලා

කිමද නුඹ ගොළු වෙලා 

මුතු කඳුළු      වගුරුවා.............

ඔබේ කදුළු දැක ගන්න 

මට නොහැක කිසි දිනේ 

ඒ නිසා අද මෙසේ 

මගේ නෙතු පියවුනේ..........

මට නොහැක ලගට විත්

ඔය  නුවන් පිසලන්න

මගේ අතගිලි වෙලා 

මට නොහැක ගනු ලිහා........

අපට අද එක් වන්න

නෑ ඉඩක් මේ ලොවේ

මතු බවයේ හමු වන්න 

පතමු අපි එක් වන්න............

පතමි පැතුමක් හදින්

සංසාරෙ සැම වෙලේ

සතුටු කදුලැල් වලින් 

ඔය නෙතග බබලන්න.........

මම නුඹට දුන්නු ඒ 

රෝස මල් මට දෙන්න

වැලි මිටක් මට දමා

මට නුඹෙන් සමු දෙන්න........

ඉවසන්න පුතේ

බිත්ති ඇත ඉරි තලා

වහල ඇත හිල් වෙලා

වහින හැම වස්සෙන්ම

ගෙබිම ඇත දියවෙලා............

ගෙඩි කඩුව නුඹ පියා

ඇත ඇදේ තනි වෙලා

කන්න කෑමක් නැතිව 

බඩ පිටට ඇලවිලා.......

කිරි නුඹට දෙන්න බෑ 

තන පුඩුව සිර වෙලා

ඉවසන්න පුතේ නුඹ

දිය බිදක් මුව සලා.......

  

නුඹ පියා රැක ගන්න 

        නුඹේ බඩ පුරවන්න.....

යම් දිනක මේ ලොවේ 

       නුඹව රජ කරවන්න.... 

බැල මෙහෙය මම කරමි 

      කදුළු බිඳු සගවලා........

මව් බිමට එමි දිනක 

     සියළු දුක් ඉවසලා.....

ලබ් ඩබ්.... ලබ් ඩබ්.

මරු........

ජීවත් වෙන්න  වෙන්න  මරු......

මම වැටුන බින්දුවටම...

මගේ ලග හිටපු හැම කෙනෙක්ම හැම දෙයක්ම..

යාළුවො ....හිහ්....

ඊ මං ආදරේ කරපු කෙල්ල....පුහ්....

ඒකිට  අම්මලාගේ හිත රිද්දන්න බෑලු...

ඕක තමා ජීවිතේ .......

මට ඇඩුන...මම කෑ ගගහ ඇඩුව...

මගේ ලෝකේ සුනු විසුනු වුනා...

මට මැරෙන්න ඕනේ වුනා....

ගෙදර තිබ්බ ඔක්කොම බෙහෙත්

ජාති බීව.....

ඔලුව බිත්තියේ ගැහුවා. නහයෙන් ලේ

ගලනකන්....

මම නැගිටිනකොට...

ඇඳ වටේට දොස්තරල නර්ස්ලා..

67....65... 60.............කව්දෝ කෑගහනවා .. ලබ් ඩබ්.

54.........31..25...නර්ස්ලා කෑගහන්නවා

20..19..18..17..ලොකු දොස්තර

දුවගෙන ආව ..මම හිතන්නේ  සේලයින් එකට

මොනවදෝ ගැහුවා..

මට මේ ඔක්කොම

පේනවා...මම ඔක්කොම බලාගෙන ඉන්නවා..

18..20..24...30..36..40..60...70....79.. ඇති යන්තම්..

කියල කියනවා මට හොදටම ඇහුන

මම දැක්ක දොස්තර මහත්තය

දාඩිය පිහිදානවා ..

මම හිනා වුනා

දොස්තර මහත්තය හෙමීට මගේ ලගට ආව..

හෙමීට තට්ටුවක්

දාලා දැන් ඉතින් ජීවත් වෙයන් කොල්ලෝ  

කිව්වා..........

හ්ම්ම්.......

දැන් මම ජීවත් වෙනවා...

දැන් මම දන්නවා

එදා මම වැටුනේ නැගිටින්න පුළුවන් බව දන්නේ කියල..

ආයේ මාව වට්ටන්න කාටවත් බෑ.

මම වැටෙන්නෙත් නෑ..........